«Брентфорд» ҳимоячиси Янник Шустер Англия чемпионатининг 5-турида «Челси» устидан қозонилган 3:0 ҳисобидаги ғалабага изоҳ берди. У голли узатма амалга оширди ва учрашувнинг энг яхши футболчиси деб топилди.

«Менимча, иккинчи бўлим бошланиши билан «Брентфорд» анча тўғридан-тўғри ўйнай бошлади ва шундан кейин гол урдик. Мен жуда хурсандман.

Ўйиннинг энг яхши футболчиси бўлганимми? Шахсий ўйиним мени қизиқтирмайди. Мен фақат жамоага ёрдам беришни, дарвозамиз дахлсизлигини сақлашни ва уч очко қўлга киритишни хоҳлайман. Умид қиламанки, ҳали кўп ўйин амалиётига эга бўламан», — дея Шустернинг сўзларини BBC келтирди.

Шунингдек, у жамоасининг биринчи голида қандай қилиб голли узатма амалга оширганини ҳам тушунтирди.

«Менга доимо стандарт вазиятларда яхши қобилиятим борлигини айтишади, аммо ҳозиргача бу унчалик катта натижа бермаганди. Умид қиламанки, кейинги сафар ўзим ҳам гол ура оламан», — дея қўшимча қилди Шустер.