«Bavariya» hujumchisi Jamal Musiala Germaniya chempionatining 4-turida «Union» ustidan qozonilgan 7:0 hisobidagi g‘alabaga izoh berdi.

«Bunday g‘alaba uchun juda ko‘p mehnat qilish kerak. Bugun «Bavariya» buni ko‘rsatdi va eng so‘nggi daqiqagacha ulkan energiya bilan harakat qildi. Biz har bir o‘yinda 90 daqiqa davomida aynan shunday o‘ynashimiz kerak.

O‘zimni juda yaxshi his qilyapman. Har bir o‘yin — oldinga tashlangan navbatdagi qadam. Oldinda hali ko‘p bosqichlar borligini bilaman, ammo yana maydonda to‘liq 90 daqiqa harakat qilish juda yoqimli bo‘ldi. Buni anchadan beri qilmagan edim. Endi esa keyingi o‘yinlarni sabrsizlik bilan kutyapman», — deya Musialaning so‘zlarini klub rasmiy sayti keltirdi.