«Бавария» ҳужумчиси Жамал Мусиала Германия чемпионатининг 4-турида «Унион» устидан қозонилган 7:0 ҳисобидаги ғалабага изоҳ берди.
«Бундай ғалаба учун жуда кўп меҳнат қилиш керак. Бугун «Бавария» буни кўрсатди ва энг сўнгги дақиқагача улкан энергия билан ҳаракат қилди. Биз ҳар бир ўйинда 90 дақиқа давомида айнан шундай ўйнашимиз керак.
Ўзимни жуда яхши ҳис қиляпман. Ҳар бир ўйин — олдинга ташланган навбатдаги қадам. Олдинда ҳали кўп босқичлар борлигини биламан, аммо яна майдонда тўлиқ 90 дақиқа ҳаракат қилиш жуда ёқимли бўлди. Буни анчадан бери қилмаган эдим. Энди эса кейинги ўйинларни сабрсизлик билан кутяпман», — дея Мусиаланинг сўзларини клуб расмий сайти келтирди.
