UFC sobiq chempioni Xamzat Chimayev professional sportga 24 yoshida kelganini aytib o‘tdi.

«Har doim oilam va atrofimdagi barcha odamlar uchun yaxshi hayot barpo etishga harakat qilganman. Bu maqsad hali ham saqlanib qolgan. Men professional sportga 24 yoshimda kelganman, ammo bu orqali pul topishimga yuz foiz ishonch yo‘q edi. Shunchaki vaqtni chog‘ o‘tkazishni, do‘stlarim bilan kurashish va boks tushishni xohlagandim. Bir haftadan so‘ng jang taklif qilishdi va qiziqish paydo bo‘ldi.

Ilgari men ishlardim, onam uchun hayotni yaxshilashga harakat qilardim. Akam ikkimiz ishlar va mashg‘ulot o‘tkazardik, ammo professional darajada hech narsa yo‘q edi. Men qo‘riqchi bo‘lib, fabrikada, mashinada ishladim, akam esa tashuvlar bilan shug‘ullanardi. Eng og‘ir ish — bolalikda sement tushirganim bo‘lgan. Qop-qop sementlar juda og‘ir edi, ba’zan ular bilan yiqilib tushardim», – dedi Chimayev.

Chimayev oxirgi jangini 10 may kuni o‘tkazdi va hakamlarning bo‘lingan qaroriga ko‘ra Shon Striklendga imkoniyatni boy berdi.