Norvegiya terma jamoasi sardori Martin Edegor Millatlar ligasi o‘yinida Daniya ustidan qozonilgan g‘alaba (3:2) haqida o‘z fikrlarini bildirdi.
«G‘alaba qozonish yoqimli bo‘ldi. Qo‘shnilarni mag‘lub etish va turnirni g‘alaba bilan boshlash juda soz. Hali yaxshilashimiz kerak bo‘lgan jihatlar ko‘p, ammo raqib bizni o‘z darvozamizga qamab qo‘ygan vaziyatda ham yana oldinga chiqib olishni uddaladik. Bu ayniqsa quvonarli bo‘ldi», — deydi Edegor UYEFA rasmiy saytiga.
27 sentyabr kuni Norvegiya Osloda Portugaliya bilan o‘ynaydi, Daniya esa Kopengagenda Uelsga qarshi bahs olib boradi.
