«Bordo» klubi egasini almashtirishga yaqin turibdi. Angliyaning Park Bench investisiya kompaniyasi klubni Jerar Lopesdan ramziy 1 yevroga sotib olishga tayyorlanmoqda.

Kelishuv doirasida «Bordo»ning qarzlari ham qayta tuzilishi rejalashtirilgan. Qarzlarni qaytarish muddati 10 yildan 12 yilga uzaytiriladi, umumiy qarz miqdori esa 26 million yevrodan 13 million yevrogacha kamaytiriladi.

Iyul oyida «Bordo» moliyaviy kafolatlar yetarli emasligi sabab Fransiyaning oltinchi divizioniga tushirilgan edi.

Klubning bu qaror ustidan bergan apellyasiyalari ham rad etilgan.