«Бордо» клуби эгасини алмаштиришга яқин турибди. Англиянинг Park Bench инвестиция компанияси клубни Жерар Лопесдан рамзий 1 еврога сотиб олишга тайёрланмоқда.
Келишув доирасида «Бордо»нинг қарзлари ҳам қайта тузилиши режалаштирилган. Қарзларни қайтариш муддати 10 йилдан 12 йилга узайтирилади, умумий қарз миқдори эса 26 миллион евродан 13 миллион еврогача камайтирилади.
Июль ойида «Бордо» молиявий кафолатлар етарли эмаслиги сабаб Франциянинг олтинчи дивизионига туширилган эди.
Клубнинг бу қарор устидан берган апелляциялари ҳам рад этилган.
