Osiyo o‘yinlarida O‘zbekiston delegasiyasi hisobiga yana bir medal qo‘shildi.

Kurash bo‘yicha terma jamoamiz a’zosi Shohista Nazarova -78 kg vazn toifasida bronza medaliga sazovor bo‘ldi.

Yarim final bosqichida Nazarova boshqa bir hamyurtimiz Pokizaxon Kamoliddinovaga qarshi gilamga chiqdi. O‘zbekiston vakillari o‘rtasida kechgan bahsda Kamoliddinova g‘alaba qozonib, finalga yo‘l oldi.

Shu tariqa, Shohista Nazarova Osiyo o‘yinlarini bronza medali bilan yakunladi. Pokizaxon Kamoliddinova esa oltin medal uchun kurash olib boradi.