Theatre of Red jurnalisti Shon Konnollining ma’lum qilishicha, «Manchester Yunayted» kelasi yozda uch nafar yangi himoyachini tarkibga qo‘shishni rejalashtirmoqda. Nomzodlar orasida «Roma»ning o‘ng qanot himoyachisi Uesli ham bor.

Manbaga ko‘ra, «Yunayted» har ikki qanot uchun bittadan fulbek, shuningdek, Leni Yoro va Ayden Xevenni bilan raqobatlashadigan markaziy himoyachi sotib olmoqchi.

23 yoshli Uesli «Karrington»da ko‘pchilikning e’tiborini tortgan. Shu bilan birga, INEOS «Nyukasl»ning chap qanot himoyachisi Lyuis Xollga hamon qiziqish bildirmoqda. Futbolchi yaqinda klubi bilan yangi uzoq muddatli shartnoma imzolagan. «Kristal Pelas» himoyachisi Tayrik Mitchell esa muqobil variant sifatida ko‘rilmoqda.

«Manchester Yunayted» joriy mavsum Premyer-ligada hali birorta ham o‘yinda darvozasini daxlsiz saqlay olmadi.

Uesli o‘tgan mavsum A Seriyada 30 ta o‘yinda 5 ta gol urgan. Joriy mavsumda esa uning hisobida bitta golli uzatma bor.