«Manchester Siti» klubi o‘ziga qo‘yilgan 115 ta moliyaviy qoidabuzarlik bo‘yicha ayblovlarning aksariyatida aybdor deb topildi. Shu bilan birga, klub raisi Xaldun al-Muborak «shaharliklar» o‘zining aybsizligini isbotlash uchun qat’iy kurashishini ta’kidladi.
«Manchester Siti» safida o‘z vaqtida 348 ta o‘yin o‘tkazgan Jo Xart vaziyat haqida o‘z fikrlarini bildirdi.
«Rostini aytsam, Xaldunga ishonmaslik uchun menda hech qanday sabab yo‘q. Uning aytgan gaplari men uchun yetarli. Uning chiqishi menga yoqdi. Klub taqdiri unga befarq emasligi ko‘rinib turibdi.
Agar «Manchester Siti» yakuniy ravishda aybdor deb topilsa, shunda bu haqda nimanidir muhokama qilishimiz mumkin. Ammo Xaldunning gaplaridan keyin bunday bo‘ladi, deb o‘ylamayman.
Hozir men o‘zimni juda ishonchli va xotirjam his qilyapman. «Manchester Siti»da erishgan yutuqlarim va jamoa sifatida qo‘lga kiritgan natijalarimiz bilan faxrlanaman», — dedi Xart BBC Radio 5 Live efirida.
Jo Xart «Manchester Siti» bilan 6 ta sovrin qo‘lga kiritgan. Ular orasida Premyer-liganing ikki chempionlik unvoni ham bor.
