«Манчестер Сити» клуби ўзига қўйилган 115 та молиявий қоидабузарлик бўйича айбловларнинг аксариятида айбдор деб топилди. Шу билан бирга, клуб раиси Халдун ал-Муборак «шаҳарликлар» ўзининг айбсизлигини исботлаш учун қатъий курашишини таъкидлади.

«Манчестер Сити» сафида ўз вақтида 348 та ўйин ўтказган Жо Харт вазият ҳақида ўз фикрларини билдирди.

«Ростини айтсам, Халдунга ишонмаслик учун менда ҳеч қандай сабаб йўқ. Унинг айтган гаплари мен учун етарли. Унинг чиқиши менга ёқди. Клуб тақдири унга бефарқ эмаслиги кўриниб турибди.

Агар «Манчестер Сити» якуний равишда айбдор деб топилса, шунда бу ҳақда ниманидир муҳокама қилишимиз мумкин. Аммо Халдуннинг гапларидан кейин бундай бўлади, деб ўйламайман.

Ҳозир мен ўзимни жуда ишончли ва хотиржам ҳис қиляпман. «Манчестер Сити»да эришган ютуқларим ва жамоа сифатида қўлга киритган натижаларимиз билан фахрланаман», — деди Харт BBC Radio 5 Live эфирида.

Жо Харт «Манчестер Сити» билан 6 та соврин қўлга киритган. Улар орасида Премьер-лиганинг икки чемпионлик унвони ҳам бор.