«Boka Xuniors» safida to‘p tepayotgan argentinalik yarim himoyachi Tomas Aranda kelayotgan qishda faoliyatini Angliyada davom ettirishi mumkin.
El Intransigente jurnalistlari ma’lumotiga ko‘ra, «Liverpul» rahbariyati 19 yoshli yarim himoyachini qishki transferlar oynasida o‘z safiga qo‘shib olishga harakat qilmoqchi.
Mersisaydliklardan tashqari, Arandaga Londonning «Arsenal» va «Chelsi» klublari, shuningdek, «Aston Villa», «Komo» hamda Milanning «Inter» jamoalari ham qiziqish bildirmoqda.
Arandaning «Boka Xuniors» bilan amaldagi shartnomasi 2029 yil dekabr oyi oxiriga qadar mo‘ljallangan. Futbolchining transfer qiymati 12 million yevroga baholanmoqda.
