«Real Betis»ning chap qanot himoyachisi Fran Garsiya yozda «Real»ni nega tark etganini tushuntirdi. U Mark Kukurelyaning jamoaga kelishi ortidan o‘z pozisiyasida raqobat yanada kuchayganini tan oldi.
«Real» Kukurelyani xarid qilganida, u va Karrerasga ustuvorlik berilishini tushundim, chunki ular uchun katta mablag‘ to‘langan edi.
«Real»da bolalik orzumni amalga oshirdim. U yerdagi har bir lahzadan zavqlanish va raqobatlashishni istardim. Bundan ortiq baxtli bo‘lishim mumkin emasdi.
Men madridchiman. Doimo shunday bo‘lganman va hamisha shunday bo‘lib qolaman.
«Real Betis»ga ketishimdan oldin Joze Mourinyo bilan gaplashmaganman. Agentlarim soat 22:00 da menga qo‘ng‘iroq qilib: «Ertaga Sevilyaga uchamiz va «Real Betis» bilan shartnoma imzolaymiz», deyishdi. Menda hatto himoya qalqonchalari yoki butsalar ham yo‘q edi.
Rostini aytsam, «Real»da juda ajoyib do‘stlar orttirdim. Menimcha, bu ham futbol insonga beradigan eng go‘zal narsalardan biri», — dedi Fran Garsiya.
