«Реал Бетис»нинг чап қанот ҳимоячиси Фран Гарсия ёзда «Реал»ни нега тарк этганини тушунтирди. У Марк Кукурельянинг жамоага келиши ортидан ўз позициясида рақобат янада кучайганини тан олди.

«Реал» Кукурельяни харид қилганида, у ва Каррерасга устуворлик берилишини тушундим, чунки улар учун катта маблағ тўланган эди.

«Реал»да болалик орзумни амалга оширдим. У ердаги ҳар бир лаҳзадан завқланиш ва рақобатлашишни истардим. Бундан ортиқ бахтли бўлишим мумкин эмасди.

Мен мадридчиман. Доимо шундай бўлганман ва ҳамиша шундай бўлиб қоламан.

«Реал Бетис»га кетишимдан олдин Жозе Моуриньо билан гаплашмаганман. Агентларим соат 22:00 да менга қўнғироқ қилиб: «Эртага Севильяга учамиз ва «Реал Бетис» билан шартнома имзолаймиз», дейишди. Менда ҳатто ҳимоя қалқончалари ёки бутсалар ҳам йўқ эди.

Ростини айтсам, «Реал»да жуда ажойиб дўстлар орттирдим. Менимча, бу ҳам футбол инсонга берадиган энг гўзал нарсалардан бири», — деди Фран Гарсия.