"Liverpul" yarim himoyachi Aleksis Mak Allisterga yangi shartnoma taklif qilmoqchi emas. Bu haqda Bernabeu Digital xabar berdi.
27 yoshli argentinalik futbolchining amaldagi shartnomasi 2028 yil iyuniga qadar mo‘ljallangan. Manba ma’lumotiga ko‘ra, u joriy mavsum yakunida klubni tark etishi mumkin.
Avvalroq Makallister yozda "Liverpul"dan ketish ehtimoli bo‘lganini tan olgandi. Shuningdek, u klub hanuz yangi shartnoma taklif qilmaganidan qattiq xafa ekanini aytgan.
Futbolchi atrofidagi vaziyatni madridning "Real" klubi diqqat bilan kuzatib bormoqda. Ispaniya grandi yaqin vaqt ichida argentinalik yarim himoyachini sotib olishga urinib ko‘rishi mumkin.
Mak Allisterga "Manchester Siti" ham qiziqish bildirmoqda.
Agar argentinalik futbolchi jamoani tark etsa, "Liverpul" uning o‘rniga "Bornmut" yarim himoyachisi Aleks Skott yoki "Monako" futbolchisi Lamin Kamarani olib kelishni ko‘rib chiqishi mumkin.
