Londonning "Arsenal" klubi futbolchisi Xristos Solis son orqa qismi mushagidan olgan jarohati sabab taxminan uch hafta maydonga tushmasligi mumkin. 24 yoshli gresiyalik futbolchi Millatlar ligasi doirasida Gresiya va Niderlandiya terma jamoalari o‘rtasidagi uchrashuvda jarohat olgan. Bu haqda The Standard xabar berdi.
Solis o‘yin boshidayoq jarohat olgan, ammo maydonni tark etishni istamagan. Shunga qaramay, Gresiya terma jamoasi bosh murabbiyi Ivan Yovanovich uni almashtirishni talab qilgan.
Futbolchi juma kuni tibbiy ko‘rikdan o‘tdi. Dastlabki ma’lumotlarga ko‘ra, Solis taxminan 20 kunni o‘tkazib yuborishi mumkin.
U Gresiya terma jamoasining Germaniyaga qarshi o‘yinida qatnashmaydi. Shuningdek, xalqaro tanaffusdan keyin "Arsenal"ning navbatdagi uchta uchrashuvini — 10 oktyabr kuni "Lids", 13 oktyabr kuni "Lill" va 18 oktyabr kuni "Nottingem Forest"ga qarshi bahslarni ham o‘tkazib yuborishi mumkin.
