Taniqli jurnalist Tomas Ronsero Portugaliya terma jamoasidagi mojarodan so‘ng Krishtianu Ronalduni himoya qilib chiqdi.

41 yoshli futbolchi bosh murabbiy Jorje Jezush bilan kelishmovchilik tufayli milliy jamoadagi faoliyatini yakunlashi mumkin. Hujumchi payshanba kuni terma jamoa qarorgohini tark etgan edi.

"Jorje Jezush, sen doim o‘rtamiyona va omadsiz murabbiy bo‘lib qolasan. Sen — sharafsiz insonsan, tarixdagi eng buyuk futbolchiga xiyonat qilding. Hozir qo‘lingdan kelganicha kul, ammo sen bu jangda mag‘lub bo‘lding. Futbol hech narsani unutmaydi, sendan farqli o‘laroq", — dedi Ronsero.

Krishtianu Ronaldu 2003 yildan buyon Portugaliya terma jamoasi safida to‘p tepib keladi. U xalqaro miqyosda o‘tkazilgan o‘yinlar va urilgan gollar soni bo‘yicha jahon rekordchisi hisoblanadi.