Таниқли журналист Томас Ронсеро Португалия терма жамоасидаги можародан сўнг Криштиану Роналдуни ҳимоя қилиб чиқди.

41 ёшли футболчи бош мураббий Жорже Жезуш билан келишмовчилик туфайли миллий жамоадаги фаолиятини якунлаши мумкин. Ҳужумчи пайшанба куни терма жамоа қароргоҳини тарк этган эди.

"Жорже Жезуш, сен доим ўртамиёна ва омадсиз мураббий бўлиб қоласан. Сен — шарафсиз инсонсан, тарихдаги энг буюк футболчига хиёнат қилдинг. Ҳозир қўлингдан келганича кул, аммо сен бу жангда мағлуб бўлдинг. Футбол ҳеч нарсани унутмайди, сендан фарқли ўлароқ", — деди Ронсеро.

Криштиану Роналду 2003 йилдан буён Португалия терма жамоаси сафида тўп тепиб келади. У халқаро миқёсда ўтказилган ўйинлар ва урилган голлар сони бўйича жаҳон рекордчиси ҳисобланади.