«Yuventus» «Liverpul»ning 19 yoshli markaziy himoyachisi Jovanni Leoniga qiziqish bildirmoqda. «Keksa sinyora» yosh italiyalik iqtidorlarni jamoaga jalb qilishga intilmoqda. Bu haqda La Gazzetta dello Sport xabar berdi.

Manbaga ko‘ra, Turin klubi so‘nggi oylarda Leonini ijaraga olishni istagan, ammo «Liverpul» bu taklifni rad etgan. Mersisaydliklar himoyachi xalqaro tanaffusdan so‘ng maydonga tushishini kutmoqda. Biroq «Yuventus» futbolchini kuzatishda davom etmoqchi.

Leoni joriy mavsumda hozircha biror marta ham maydonga tushmadi, chunki u tizzadagi xochsimon bog‘lam jarohatidan tiklanmoqda. Futbolchining klub bilan amaldagi shartnomasi 2031 yil yoziga qadar mo‘ljallangan.

Transfermarkt ma’lumotlariga ko‘ra, Jovanni Leonining bozor qiymati 25 million yevroni tashkil etadi.