«Ювентус» «Ливерпуль»нинг 19 ёшли марказий ҳимоячиси Жованни Леонига қизиқиш билдирмоқда. «Кекса синьора» ёш италиялик иқтидорларни жамоага жалб қилишга интилмоқда. Бу ҳақда La Gazzetta dello Sport хабар берди.

Манбага кўра, Турин клуби сўнгги ойларда Леонини ижарага олишни истаган, аммо «Ливерпуль» бу таклифни рад этган. Мерсисайдликлар ҳимоячи халқаро танаффусдан сўнг майдонга тушишини кутмоқда. Бироқ «Ювентус» футболчини кузатишда давом этмоқчи.

Леони жорий мавсумда ҳозирча бирор марта ҳам майдонга тушмади, чунки у тиззадаги хочсимон боғлам жароҳатидан тикланмоқда. Футболчининг клуб билан амалдаги шартномаси 2031 йил ёзига қадар мўлжалланган.

Transfermarkt маълумотларига кўра, Жованни Леонининг бозор қиймати 25 миллион еврони ташкил этади.