Fransiya terma jamoasi futbolchisi Maykl Olise jurnalistlar bilan suhbatda odatdagidek kamgap bo‘ldi.
«Bavariya» vingeri Belgiyaga qarshi Millatlar ligasi bahsida yana bir bor yuqori saviyadagi o‘yini bilan e’tibor markazida bo‘ldi. U mehmonlar 1:0 hisobida oldinda borayotgan 60-daqiqada zaxiradan maydonga tushdi va ikki gol hamda bitta golli uzatma qayd etdi. Yakunda Fransiya 4:1 hisobida g‘alaba qozondi.
«Stad de Frans» tribunalari Olisega «Oltin to‘p»ni berishni talab qilib, uning nomini olqishladi. Uchrashuvdan keyin jurnalistlar 24 yoshli futbolchidan bu haqda so‘rashdi, ammo u batafsil javob berishni istamadi.
«Menda aytadigan gap yo‘q», — dedi Olise TF1 telekanaliga tabassum bilan.
Maykl Olise Millatlar ligasining joriy mavsumida to‘rtta o‘yinda 4 ta gol urdi va 2 ta golli uzatma berdi.
