«Napoli» yarim himoyachisi Skott Maktominay yana «Manchester Yunayted»ga qaytishi mumkinligi haqida xabarlar tarqaldi.

Shotlandiyalik futbolchining Italiya klubi bilan amaldagi shartnomasi 2028 yil o‘rtalarigacha mo‘ljallangan. Biroq yangi bitim bo‘yicha muzokaralar boshi berk ko‘chaga kirib qolgan. «Napoli» rahbariyati futbolchining talablarini haddan tashqari yuqori deb hisoblamoqda.

TEAMtalk ma’lumotiga ko‘ra, Maktominay 2027 yil yozida o‘zi uchun qadrdon bo‘lgan «Manchester Yunayted»ga qaytishi mumkin. «Napoli» uning transferi uchun taxminan 25–30 million yevro so‘rashi kutilmoqda.

«Manchester Yunayted» Maktominayni 2024 yil yozida 30,5 million yevroga sotgan edi. Transfermarkt ekspertlari 29 yoshli futbolchining hozirgi bozor qiymatini 40 million yevroga baholamoqda.