Xorvatiya terma jamoasi yarim himoyachisi Luka Modrich Ispaniyaga qarshi navbatdagi uchrashuv oldidan Angliyadan 0:7 hisobida qabul qilingan og‘ir mag‘lubiyat haqida gapirdi.
«Hech narsa bo‘lmagandek tuta olmaymiz. Jamoa ichida nima muhokama qilganimiz o‘zimizda qoladi.
Ammo ishonchim komilki, butunlay boshqa Xorvatiyani ko‘rsatish uchun bizda yetarlicha kuch va ruh bor. Ilgari ko‘p bor qilganimizdek, muxlislarimizni yana biz bilan faxrlantirishni istaymiz», — dedi Modrich matbuot anjumanida.
Xorvatiya 3 oktyabr kuni Angliyadan javobsiz yettita gol o‘tkazib, o‘z tarixidagi eng yirik mag‘lubiyatni qabul qildi.
Xorvatiya va Ispaniya terma jamoalari 6 oktyabr (23:45) kuni Split shahrida o‘zaro bahs olib boradi.
