Хорватия терма жамоаси ярим ҳимоячиси Лука Модрич Испанияга қарши навбатдаги учрашув олдидан Англиядан 0:7 ҳисобида қабул қилинган оғир мағлубият ҳақида гапирди.
«Ҳеч нарса бўлмагандек тута олмаймиз. Жамоа ичида нима муҳокама қилганимиз ўзимизда қолади.
Аммо ишончим комилки, бутунлай бошқа Хорватияни кўрсатиш учун бизда етарлича куч ва руҳ бор. Илгари кўп бор қилганимиздек, мухлисларимизни яна биз билан фахрлантиришни истаймиз», — деди Модрич матбуот анжуманида.
Хорватия 3 октябрь куни Англиядан жавобсиз еттита гол ўтказиб, ўз тарихидаги энг йирик мағлубиятни қабул қилди.
Хорватия ва Испания терма жамоалари 6 октябрь (23:45) куни Сплит шаҳрида ўзаро баҳс олиб боради.
