Eronlik sobiq «Zenit» va «Bayer» hujumchisi Serdar Azmunning manfaatlarini himoya qiluvchi agent Mehdi Xagitali futbolchining Rossiyaga ehtimoliy qaytishi haqida fikr bildirdi. Ayni paytda hujumchi BAAning «Shabab Al-Ahli» klubida o‘ynamoqda.

«U har doim Rossiya va Rossiya futboliga qiziqqan. Serdar yana RPLda o‘ynash imkoniyatini ko‘rib chiqmoqda», — dedi agent Sport24 nashriga.

Joriy mavsumda 31 yoshli Azmun barcha turnirlarda 6 ta uchrashuvda ishtirok etib, 1 ta gol urdi va 2 ta golli uzatmani amalga oshirdi.

Eslatib o‘tamiz, Azmun Rossiyada faqat «Zenit» safida emas, balki «Rostov» va Qozonning «Rubin» klublarida ham o‘ynagan.