Эронлик собиқ «Зенит» ва «Байер» ҳужумчиси Сердар Азмуннинг манфаатларини ҳимоя қилувчи агент Меҳди Хагитали футболчининг Россияга эҳтимолий қайтиши ҳақида фикр билдирди. Айни пайтда ҳужумчи БААнинг «Шабаб Ал-Аҳли» клубида ўйнамоқда.

«У ҳар доим Россия ва Россия футболига қизиққан. Сердар яна РПЛда ўйнаш имкониятини кўриб чиқмоқда», — деди агент Sport24 нашрига.

Жорий мавсумда 31 ёшли Азмун барча турнирларда 6 та учрашувда иштирок этиб, 1 та гол урди ва 2 та голли узатмани амалга оширди.

Эслатиб ўтамиз, Азмун Россияда фақат «Зенит» сафида эмас, балки «Ростов» ва Қозоннинг «Рубин» клубларида ҳам ўйнаган.