Urugvaylik hujumchi Luis Suares Lionel Messining milliy terma jamoa safidagi so‘nggi o‘yini arafasida unga qo‘llab-quvvatlov so‘zlarini yo‘lladi.

"Baqaloq, seni qattiq quchoqlagim keldi. Milliy terma jamoa libosidagi so‘nggi o‘yiningdan juda katta zavq olishingga umid qilaman. Bu libos sening faoliyatingda juda muhim o‘rin tutdi.

Sen ajoyib lahzalarni boshdan kechirding va har qanday futbolchi o‘z mamlakatini himoya qilar ekan, orzu qiladigan yuksak cho‘qqilarga erishding. Shuning uchun sen faoliyating va yurting uchun nimani anglatganing evaziga barcha insonlarning e’tirofi va minnatdorligiga to‘liq haqlisan.

Shunday ekan, o‘zing bilan faxrlan. Seni qattiq quchoqlayman, bu kundan zavq ol", — dedi Suares videomurojaatida.