The Sun ma’lumotiga ko‘ra, "Tottenxem" Luka Uilyams-Barnettni jamoada saqlab qolishni juda istamoqda va 18 yoshli futbolchi bilan yangi shartnoma bo‘yicha muzokaralarni boshlagan. Uning amaldagi kelishuvi 2028 yilda yakunlanishi taxmin qilinmoqda.

Uilyams-Barnett "Tottenxem" akademiyasining eng katta iste’dodlaridan biri sifatida baholanadi. U 16 yoshida asosiy jamoada debyut qilgan, ammo joriy mavsumda Karabao Kubogida faqat bir marta qisqa muddatga maydonga tushdi.

So‘nggi paytlarda yosh futbolchiga Premyer-liganing bir qator klublari, jumladan, "Chelsi" va "Manchester Yunayted" qiziqish bildirgani haqida xabarlar tarqaldi. Endi "Bavariya" va dortmundlik "Borussiya" ham hujumchini kuzatayotgani aytilmoqda.

Uilyams-Barnett "Tottenxem" bosh murabbiyi Roberto De Dzerbining ham e’tiborida. Agar futbolchi asosiy jamoaga yo‘l ochilishini ustuvor deb bilsa, bu londonliklar uchun muhim ustunlik bo‘lishi mumkin.

Biroq bu ko‘p jihatdan mavsumni omadsiz boshlagan italiyalik mutaxassisning o‘z lavozimida qolish-qolmasligiga ham bog‘liq.