Fransiyaning «Monako» klubi bosh murabbiyi Filipe Luis faoliyati davomida qaysi mutaxassislardan ilhom olishini ma’lum qildi.
Braziliyalik 41 yoshli mutaxassis «Manchester Siti» bosh murabbiyi Xosep Gvardiola hamda Unai Emerining ish uslubini yuqori baholadi. Shu bilan birga, u o‘zining murabbiylik falsafasiga ega ekanini ta’kidladi.
«Boshqa murabbiylar orasida menga ilhom bag‘ishlaydigan mutaxassislar bor. Ulardan Xosep Gvardiola va Unai Emerini alohida ajratib ko‘rsatishim mumkin.
Shu bilan birga, mening ishga o‘z yondashuvim bor. Hozircha biz men istagan darajaga yetib borganimiz yo‘q. Oldimizda hali ko‘p mehnat qilish vazifasi turibdi. Natijalarni yaxshilash va rivojlanishga erishishning yagona yo‘li — tinimsiz ishlash», — deya Filipe Luisning so‘zlarini keltiradi Get Football News France nashri.
Ma’lumot uchun, Fransiya Liga 1 musobaqasining dastlabki besh turidan so‘ng «Monako» 13 ochko jamg‘argan holda turnir jadvalida peshqadamlik qilmoqda.
