Франциянинг «Монако» клуби бош мураббийи Филипе Луис фаолияти давомида қайси мутахассислардан илҳом олишини маълум қилди.
Бразилиялик 41 ёшли мутахассис «Манчестер Сити» бош мураббийи Хосеп Гвардиола ҳамда Унаи Эмерининг иш услубини юқори баҳолади. Шу билан бирга, у ўзининг мураббийлик фалсафасига эга эканини таъкидлади.
«Бошқа мураббийлар орасида менга илҳом бағишлайдиган мутахассислар бор. Улардан Хосеп Гвардиола ва Унаи Эмерини алоҳида ажратиб кўрсатишим мумкин.
Шу билан бирга, менинг ишга ўз ёндашувим бор. Ҳозирча биз мен истаган даражага етиб борганимиз йўқ. Олдимизда ҳали кўп меҳнат қилиш вазифаси турибди. Натижаларни яхшилаш ва ривожланишга эришишнинг ягона йўли — тинимсиз ишлаш», — дея Филипе Луиснинг сўзларини келтиради Get Football News France нашри.
Маълумот учун, Франция Лига 1 мусобақасининг дастлабки беш туридан сўнг «Монако» 13 очко жамғарган ҳолда турнир жадвалида пешқадамлик қилмоқда.
