«Manchester Siti» bosh murabbiyi Enso Mareska klub atrofida yuzaga kelgan moliyaviy qoidabuzarliklar bilan bog‘liq vaziyatga munosabat bildirdi.

Italiyalik mutaxassis mavjud muammolarga qaramay, o‘zini xotirjam his qilayotganini va klub rahbariyatiga to‘liq ishonishini ta’kidladi.

«Men mutlaqo xotirjamman. Klubning bu masaladagi pozisiyasi yetarlicha aniq edi.

Biz klubga to‘liq ishonamiz. Atrofimizda ko‘plab shov-shuvlar borligini tushunamiz, ammo e’tiborimizni faqat o‘zimiz nazorat qila oladigan narsaga — futbol bilan bog‘liq masalalarga qaratganmiz», — deya Mareskaning so‘zlarini keltiradi klub matbuot xizmati.

Eslatib o‘tamiz, Angliya Premyer-ligasining mustaqil komissiyasi «Manchester Siti»ni liganing moliyaviy qoidalarini ko‘plab holatlarda buzganlikda aybdor deb topgan.

Biroq klub rahbariyati mazkur qaror ustidan apellyasiya shikoyati kiritgani sababli ish hali yakunlanmagan.

Avvalroq ommaviy axborot vositalari Mareska futbolchilarni ijobiy kayfiyatni saqlashga va klub atrofidagi muammolar haqida o‘ylamaslikka chaqirgani haqida xabar bergan edi.

«Manchester Siti» 11 oktyabr, yakshanba kuni Angliya Premyer-ligasi doirasida «Liverpul»ga qarshi safarda maydonga tushadi.

Uchrashuv O‘zbekiston vaqti bilan soat 20:30 da boshlanadi.

«Manchester Siti» chempionatning beshta turidan so‘ng turnir jadvalida birinchi o‘rinni egallab turibdi.