Buyuk Britaniya bosh vaziri Endi Bernem «Manchester Siti»ning Angliya Premyer-ligasi moliyaviy qoidalarini buzgan bo‘lishi mumkinligi bilan bog‘liq ish bo‘yicha chiqarilgan xulosalarga ehtiyotkorlik bilan yondashishga chaqirdi.
«Men erishilgan xulosalarning jiddiyligini kamsitmoqchi emasman. Ularni katta ehtiyotkorlik va jiddiylik bilan ko‘rib chiqish zarur. Bu jarayon esa to‘liq mustaqil bo‘lishi kerak.
O‘tgan hafta ham bu haqda gapirgan edim va yana takrorlayman: menimcha, hozir hamma ushbu jarayonning o‘z yo‘lida davom etishiga imkon berishi lozim.
Menga keng ko‘lamli investisiyalar haqida ham savol berishdi. O‘ylaymanki, bevosita futbolga taalluqli masalalar bilan kengroq investisiyalarga oid masalalarni bir-biridan ajratish muhim.
Futbolga tegishli masalalar to‘liq ko‘rib chiqilishi shart. Bunga hech qanday shubha yo‘q», — dedi Bernem BBC nashriga bergan intervyusida.
«Manchester Siti» 2009 yildan 2018 yilgacha bo‘lgan davrda moliyaviy qoidalarni buzganlikda aybdor deb topilgan.
Biroq klubga nisbatan qo‘llaniladigan yakuniy jazo hozircha belgilanmagan.
