Буюк Британия бош вазири Энди Бернем «Манчестер Сити»нинг Англия Премьер-лигаси молиявий қоидаларини бузган бўлиши мумкинлиги билан боғлиқ иш бўйича чиқарилган хулосаларга эҳтиёткорлик билан ёндашишга чақирди.
«Мен эришилган хулосаларнинг жиддийлигини камситмоқчи эмасман. Уларни катта эҳтиёткорлик ва жиддийлик билан кўриб чиқиш зарур. Бу жараён эса тўлиқ мустақил бўлиши керак.
Ўтган ҳафта ҳам бу ҳақда гапирган эдим ва яна такрорлайман: менимча, ҳозир ҳамма ушбу жараённинг ўз йўлида давом этишига имкон бериши лозим.
Менга кенг кўламли инвестициялар ҳақида ҳам савол беришди. Ўйлайманки, бевосита футболга тааллуқли масалалар билан кенгроқ инвестицияларга оид масалаларни бир-биридан ажратиш муҳим.
Футболга тегишли масалалар тўлиқ кўриб чиқилиши шарт. Бунга ҳеч қандай шубҳа йўқ», — деди Бернем BBC нашрига берган интервьюсида.
«Манчестер Сити» 2009 йилдан 2018 йилгача бўлган даврда молиявий қоидаларни бузганликда айбдор деб топилган.
Бироқ клубга нисбатан қўлланиладиган якуний жазо ҳозирча белгиланмаган.
