Xorvatiyalik yarim himoyachi Luka Modrich «Milan» safidagi so‘nggi mavsumini o‘tkazmoqda. Katta ehtimol bilan, bu uning professional futboldagi oxirgi mavsumi ham bo‘ladi.
Shu sababli Italiya klubi tajribali futbolchining o‘rnini egallashi mumkin bo‘lgan nomzodlarni ko‘rib chiqishni boshlagan.
pianetamilan.it nashri ma’lumotlariga ko‘ra, «Milan» Modrichga o‘rinbosarni Angliya Premyer-ligasidan topishi mumkin.
Nomzodlar orasida «Bornmut» yarim himoyachisi Aleks Skott hamda «Brayton» safida to‘p surayotgan shvesiyalik Yasin Ayari bor.
Ikkinchi futbolchining nomzodi italiyaliklar uchun nisbatan jozibadorroq ko‘rinmoqda.
Sababi, Yasin Ayari kelasi yil yozida erkin agentga aylanadi. Bu esa «Milan»ga uni transfer puli to‘lamasdan o‘z safiga qo‘shib olish imkonini beradi.
Eslatib o‘tamiz, ayni paytda «Milan» Italiya A Seriyasi turnir jadvalida beshinchi o‘rinni egallab turibdi.
