Хорватиялик ярим ҳимоячи Лука Модрич «Милан» сафидаги сўнгги мавсумини ўтказмоқда. Катта эҳтимол билан, бу унинг профессионал футболдаги охирги мавсуми ҳам бўлади.
Шу сабабли Италия клуби тажрибали футболчининг ўрнини эгаллаши мумкин бўлган номзодларни кўриб чиқишни бошлаган.
pianetamilan.it нашри маълумотларига кўра, «Милан» Модричга ўринбосарни Англия Премьер-лигасидан топиши мумкин.
Номзодлар орасида «Борнмут» ярим ҳимоячиси Алекс Скотт ҳамда «Брайтон» сафида тўп сураётган швециялик Ясин Аяри бор.
Иккинчи футболчининг номзоди италияликлар учун нисбатан жозибадорроқ кўринмоқда.
Сабаби, Ясин Аяри келаси йил ёзида эркин агентга айланади. Бу эса «Милан»га уни трансфер пули тўламасдан ўз сафига қўшиб олиш имконини беради.
Эслатиб ўтамиз, айни пайтда «Милан» Италия А Серияси турнир жадвалида бешинчи ўринни эгаллаб турибди.
