Fransiya Liga 1 musobaqasining 6-turidan o‘rin olgan uchrashuvda «Monako» o‘z maydonida «Tuluza» bilan 2:2 hisobida durang o‘ynadi.
Mezbonlar yarim himoyachisi Aleksandr Golovin ushbu bahsda golli uzatma muallifi bo‘ldi. 29-daqiqada rossiyalik futbolchining uzatmasidan so‘ng Edan Diop hisobni ochdi. Oradan 9 daqiqa o‘tib, Matti Ablen «Monako»ning ustunligini ikki to‘pga yetkazdi.
Biroq ikkinchi bo‘limda mehmonlar hisobni tenglashtirishga muvaffaq bo‘ldi. 48-daqiqada Kasper Tengstedt penaltini aniq amalga oshirib, hisobdagi farqni qisqartirdi. 59-daqiqada esa Syon Oppong jamoasining ikkinchi golini kiritib, muvozanatni tikladi.
Shu tariqa, «Monako» ikki to‘plik ustunlikni saqlab qola olmadi va o‘z maydonida bir ochko bilan cheklandi.
Ushbu durangdan so‘ng «Monako» 14 ochko bilan Fransiya chempionati turnir jadvalida peshqadamlik qilmoqda. Hisobida 6 ochko bo‘lgan «Tuluza» esa 13-o‘rinni egallab turibdi.
Fransiya chempionati. Liga 1. 6-tur.
10 oktyabr, 23:45. «Lui II» (Monako)
«Monako» — «Tuluza» — 2:2
Gollar: Diop, 29 (1:0), Ablen, 38 (2:0), Tengstedt, 48 — penaltidan (2:1), Oppong, 59 (2:2).
«Monako» tarkibi: Gradeski, Dayer, Sane, Nazinyu, Vanderson (Teze, 75), Zakariya (Benzaxra, 51), Kamara, Golovin, Deturbe (Idumbo, 58), Diop (Balogun, 58), Ablen (Fati, 75).
«Tuluza» tarkibi: Reste, Makkenzi, Koumbassa, Tape, Messali (Diallo, 77), Vossa (Dennum, 84), Kasseres (Idalgo, 84), Tengstedt, Azizi (Sigur, 71), Yorgensen, Rassel-Rou (Oppong, 46).
Sariq kartochkalar: Nazinyu (47), Golovin (54) — Kasseres (70), Oppong (90).
