O‘zbekiston Superligasining 23-tur bahslaridan so‘ng to‘purarlar poygasidagi holat ma’lum bo‘ldi.
Ayni paytda "So‘g‘diyona" futbolchisi Lyupcho Doriyev 15 ta gol bilan ro‘yxatni boshqarib turibdi. Undan keyingi o‘rinni "Neftchi" hujumchisi Stipe Perisa egallagan — xorvatiyalik futbolchi hisobida 13 ta gol bor.
"Lokomotiv" vakili Temurxo‘ja Abduxoliqov esa 12 ta gol bilan uchinchi pog‘onada bormoqda. "Buxoro" futbolchisi Sherzod Esanov 10 ta gol bilan keyingi o‘rinni egallagan.
Yana to‘rt nafar futbolchi — "Dinamo"dan Anvarjon Hojimirzayev, "Nasaf"dan Bobur Abduxoliqov, shuningdek, "Paxtakor" a’zolari Dostonbek Hamdamov va Stefen Chinedu 9 tadan gol urgan.
Superliga to‘purarlari:
- Lyubcho Doriyev ("So‘g‘diyona") — 15 gol
- Stipe Perisa ("Neftchi") — 13 gol
- Temurxo‘ja Abduxoliqov ("Lokomotiv") — 12 gol
- Sherzod Esanov ("Buxoro") — 10 gol
- Anvarjon Hojimirzayev ("Dinamo") — 9 gol
- Bobur Abduxoliqov ("Nasaf") — 9 gol
- Dostonbek Hamdamov ("Paxtakor") — 9 gol
- Stefen Chinedu ("Paxtakor") — 9 gol
