«Xetafe» bosh murabbiyi Xose Bordalas Ispaniya chempionatida «Barselona»dan uchralgan yirik mag‘lubiyatdan (0:3) so‘ng kataloniyaliklar qanot hujumchisi Lamin Yamalning mahoratiga yuqori baho berdi.
«Laminning qanday saviyadagi futbolchi ekanini barchamiz yaxshi bilamiz. Uning iqtidori shunchaki hayratlanarli. Unga qarshi o‘ynash juda qiyin, chunki u yakkama-yakka vaziyatlarda nihoyatda mohirlik bilan harakat qiladi.
U hali ko‘p narsani o‘rganadi va kelajakda «Oltin to‘p» sohibiga aylanishi mumkin. Bunga zarracha shubham yo‘q», — dedi Bordalas. Uning so‘zlarini Mundo Deportivo nashri keltirmoqda.
19 yoshli Lamin Yamal joriy mavsumda «Barselona» safida barcha musobaqalar doirasida 9 ta uchrashuvda maydonga tushib, 8 ta gol urdi va 7 ta golli uzatmani amalga oshirdi.
2025/26 yilgi mavsum yakunlariga ko‘ra «Oltin to‘p» mukofotini topshirish marosimi 26 avgust kuniga belgilangan.
