«Хетафе» бош мураббийи Хосе Бордалас Испания чемпионатида «Барселона»дан учралган йирик мағлубиятдан (0:3) сўнг каталонияликлар қанот ҳужумчиси Ламин Ямалнинг маҳоратига юқори баҳо берди.

«Ламиннинг қандай савиядаги футболчи эканини барчамиз яхши биламиз. Унинг иқтидори шунчаки ҳайратланарли. Унга қарши ўйнаш жуда қийин, чунки у яккама-якка вазиятларда ниҳоятда моҳирлик билан ҳаракат қилади.

У ҳали кўп нарсани ўрганади ва келажакда «Олтин тўп» соҳибига айланиши мумкин. Бунга заррача шубҳам йўқ», — деди Бордалас. Унинг сўзларини Mundo Deportivo нашри келтирмоқда.

19 ёшли Ламин Ямал жорий мавсумда «Барселона» сафида барча мусобақалар доирасида 9 та учрашувда майдонга тушиб, 8 та гол урди ва 7 та голли узатмани амалга оширди.

2025/26 йилги мавсум якунларига кўра «Олтин тўп» мукофотини топшириш маросими 26 август кунига белгиланган.