«Manchester Yunayted» yarim himoyachisi va sardori Brunu Fernandesh Angliya Premyer-ligasida klub safida o‘tkazilgan uchrashuvlar soni bo‘yicha Krishtianu Ronalduning ko‘rsatkichiga tenglashdi.
Angliya chempionatining 6-turida «Tottenxem»ga qarshi o‘tkazilgan uchrashuv (1:1) Fernandesh uchun Premyer-ligadagi 236-o‘yin bo‘ldi.
Shu tariqa, portugaliyalik yarim himoyachi mazkur ko‘rsatkich bo‘yicha «qizil iblislar»ning sobiq hujumchisi Krishtianu Ronaldu bilan tenglashdi.
Brunu Fernandesh 2020 yildan buyon «Manchester Yunayted» sharafini himoya qilib kelmoqda. U Angliya Premyer-ligasidagi 236 ta uchrashuvda 74 ta gol urgan va 73 ta golli uzatmani amalga oshirgan.
Portugaliyalik futbolchining Manchester klubi bilan amaldagi shartnomasi 2027 yilning yozida o‘z yakuniga yetadi.
Eslatib o‘tamiz, Krishtianu Ronaldu «Manchester Yunayted»da ikki davr mobaynida — 2003–2009 hamda 2021–2022 yillarda faoliyat yuritgan.
