Myunxenning «Bavariya» klubi prezidenti Gerbert Xayner jamoa futbolchilarining «Oltin to‘p» mukofotini qo‘lga kiritish imkoniyatlari haqida o‘z fikrini bildirdi.
Klub rahbari Bild nashriga bergan intervyusida Maykl Olise va Xarri Keyndan qaysi biri nufuzli sovringa ko‘proq munosib ekani haqidagi savolga javob berdi.
— Tomas Myuller Maykl Olise yoki Kilian Mbappe «Oltin to‘p»ni qo‘lga kiritishi kerakligini aytdi. Uning fikricha, bu futbolchilarning o‘yinida o‘ziga xos «sehr» bor. Siz bu fikrga qo‘shilasizmi? Olise Garri Keyndan ko‘ra «Oltin to‘p»ga munosibroqmi?
— Maykl ham, Xarri ham ushbu mukofotga munosib. Ammo men «Oltin to‘p»ni Keynga bergan bo‘lardim.
Maykl Olisening oldida bu sovrinni qo‘lga kiritish uchun hali ko‘p yillar bor, — dedi Xayner.
Eslatib o‘tamiz, 2025/26 yilgi mavsum yakunlariga ko‘ra «Oltin to‘p» mukofotini topshirish marosimi 26 oktyabr, dushanba kuni Londonda bo‘lib o‘tishi rejalashtirilgan.
