«Bavariya» kuzatuv kengashi a’zosi va klubning faxriy prezidenti Uli Xyoness Germaniya Bundesligasining 5-turida «Augsburg»ga qarshi uchrashuvda Manuel Noyer yo‘l qo‘ygan xatoga munosabat bildirdi.

10 oktyabr kuni bo‘lib o‘tgan bahs 2:2 hisobidagi durang bilan yakunlandi. Uchrashuvning oltinchi soniyasida Noyerning xatosidan foydalangan «Augsburg» futbolchisi Robin Fellxauer hisobni ochdi.

Mazkur gol Bundesliga tarixidagi eng tezkor gol sifatida qayd etildi.

O‘yindan keyin Noyerning xatosi muhokamalarga sabab bo‘ldi. Uli Xyonessdan ushbu vaziyat darvozabonning «Bavariya»dagi faoliyati yakuniga yaqinlashayotganini anglatadimi, deb so‘rashdi.

«Yo‘q, aslo bunday emas. Har bir inson ba’zan xato qilishga haqli.

Shuningdek, Joshua Kimmix atrofidagi shunga o‘xshash shov-shuvlarni ham mutlaqo bema’ni deb hisoblayman.

Hozir haddan tashqari ko‘p maqtalayotgan futbolchilar, avvalo, o‘z klublarida asosiy tarkibdan mustahkam joy olishlari kerak», — dedi Xyoness.

Shu tariqa, «Bavariya»ning faxriy prezidenti Noyerni himoya qilib, bitta xatoga asoslanib tajribali darvozabonning kelajagi haqida keskin xulosa chiqarishga qarshi ekanini bildirdi.