«Arsenal» himoyachisi Gabriel Magalyayns jamoa bosh murabbiyi Mikel Arteta haqida iliq fikrlar bildirdi.
Yaqinda ispaniyalik mutaxassis London klubi bilan shartnomasini 2030 yilning yoziga qadar uzaytirgan edi.
Gabriel Chempionlar ligasi doirasida «Lill»ga qarshi o‘tkaziladigan uchrashuv oldidan tashkil etilgan matbuot anjumanida Artetaning jamoaga ta’siri haqida gapirdi.
«Mikelga doimo minnatdorchilik bildiraman. U meni va butun jamoani qanday ruhlantirishi, g‘alabaga bo‘lgan intilishi hamda kurashchan ruhi bilan barchamizga ilhom bag‘ishlaydi.
U bizga o‘z kuchimizga bo‘lgan ulkan ishonchni beradi. Shu tufayli har bir o‘yindan zavq olib, maydonda bor imkoniyatimizni ishga solamiz.
Arteta biz bilan birga ekanidan juda xursandmiz», — dedi braziliyalik himoyachi.
Eslatib o‘tamiz, «Arsenal» 13 oktyabr, seshanba kuni UYEFA Chempionlar ligasi doirasida o‘z maydonida Fransiyaning «Lill» klubini qabul qiladi.
Uchrashuv Toshkent vaqti bilan 14 oktyabrga o‘tar kechasi soat 00:00 da boshlanadi.
