«Liverpul» va Angliya terma jamoasining mashhur sobiq futbolchisi Stiven Jerrard joriy mavsumda Premyer-liga chempioni kim bo‘lishi haqidagi fikrini bildirdi.
«Chempionat boshlanishidan oldin “Arsenal” yana chempionlikni qo‘lga kiritadi, deb o‘ylagandim. Ammo hozir “Manchester Siti” g‘alabasiga pul tikkan bo‘lardim. Kechagi o‘yinda (“Liverpul”ga qarshi 3:0 hisobidagi g‘alaba) nimalar bo‘lganiga bir qarang. Ular juda kuchli. Zaxira o‘rindig‘idagi futbolchilarga ham e’tibor bering», — deya Jerrardning so‘zlarini keltiradi Arsenal News Channel.
«Shaharliklar» olti turdan keyin 18 ochko to‘plab, turnir jadvalida peshqadamlik qilmoqda. «Arsenal» esa 15 ochko bilan ikkinchi o‘rinda bormoqda.
Eslatib o‘tamiz, «to‘pchilar» o‘tgan mavsumda 22 yillik tanaffusdan so‘ng ilk bor chempionlik unvonini qo‘lga kiritishgan edi.
