«Ливерпуль» ва Англия терма жамоасининг машҳур собиқ футболчиси Стивен Жеррард жорий мавсумда Премьер-лига чемпиони ким бўлиши ҳақидаги фикрини билдирди.

«Чемпионат бошланишидан олдин “Арсенал” яна чемпионликни қўлга киритади, деб ўйлагандим. Аммо ҳозир “Манчестер Сити” ғалабасига пул тиккан бўлардим. Кечаги ўйинда (“Ливерпуль”га қарши 3:0 ҳисобидаги ғалаба) нималар бўлганига бир қаранг. Улар жуда кучли. Захира ўриндиғидаги футболчиларга ҳам эътибор беринг», — дея Жеррарднинг сўзларини келтиради Arsenal News Channel.

«Шаҳарликлар» олти турдан кейин 18 очко тўплаб, турнир жадвалида пешқадамлик қилмоқда. «Арсенал» эса 15 очко билан иккинчи ўринда бормоқда.

Эслатиб ўтамиз, «тўпчилар» ўтган мавсумда 22 йиллик танаффусдан сўнг илк бор чемпионлик унвонини қўлга киритишган эди.