«Barselona» 1923/24 yilgi mavsumdan buyon ilk bor mavsumdagi dastlabki 10 ta rasmiy uchrashuvning barchasida g‘alaba qozondi.
Seshanba kuni Xans-Diter Flik boshchiligidagi jamoa UEFA Chempionlar ligasi umumiy bosqichi 2-turida safarda «Galatasaroy»ni 4:1 hisobida yirik mag‘lubiyatga uchratdi.
Joriy mavsumda Kataloniya klubi barcha musobaqalar doirasida o‘tkazgan 10 ta uchrashuvning barchasida zafar quchdi. Ushbu o‘yinlarda jamoa 43 ta gol urib, o‘z darvozasidan 9 ta to‘p o‘tkazib yubordi.
Ayni paytda «Barselona» Ispaniya chempionati turnir jadvalida birinchi o‘rinni egallab turibdi. Shuningdek, kataloniyaliklar Chempionlar ligasi umumiy bosqichi jadvalida ham peshqadamlik qilmoqda.
