«Lill» hujumchisi Olivye Jiru 2012–2018 yillarda sharafini himoya qilgan «Arsenal» klubining «Emireyts» stadioniga qaytish haqidagi taassurotlari bilan o‘rtoqlashdi.

UEFA Chempionlar ligasi umumiy bosqichi 2-turidan o‘rin olgan uchrashuvda londonliklar Fransiya jamoasini 3:0 hisobida mag‘lub etdi.

40 yoshli hujumchi bahsni zaxira o‘rindig‘ida boshlab, 78-daqiqada maydonga tushdi. O‘yindan keyin u muxlislarga iliq kutib olganlari uchun minnatdorlik bildirdi.

«Muxlislar ajoyib edi. Menga bag‘ishlangan qo‘shiqni kuylagan «Lill» ishqibozlari ham, albatta, «Arsenal» muxlislari ham.

Biroz vaqt ajratib, stadion atrofini aylanib chiqdim. Bu juda yoqimli bo‘ldi», — deya Jiruning so‘zlarini keltirmoqda Canal+.

«Bu ajoyib tuyg‘u, o‘ziga xos hissiyotlar edi. Men bu yerda besh yarim yil o‘tkazganman va ular meni unutmagan.

Ingliz muxlislarining go‘zalligi ham aynan shunda», — deya qo‘shimcha qildi futbolchi.

Jiru «Arsenal» safida 253 ta uchrashuv o‘tkazib, 105 ta gol urgan va 38 ta golli uzatmani amalga oshirgan.