«Bornmut» yarim himoyachisi Aleks Skott qishki transfer oynasida jamoani tark etishi mumkin. Bu haqda BBC xabar bermoqda.
Manba ma’lumotlariga ko‘ra, agar katta miqdordagi taklif tushsa, «Bornmut» qishda Skottni qo‘yib yuborishga tayyor. Qayd etilishicha, klubning pozisiyasi futbolchining agentlari bilan o‘tkazilgan uchrashuvdan so‘ng o‘zgargan. Avvalroq esa «olcha ranglilar» yulduz yarim himoyachini sotishni rejalashtirmagan edi.
Skottga «Chelsi» va «Liverpul» klublari hamon qiziqish bildirmoqda. Kutilishicha, «Bornmut» 118 million yevrodan boshlanadigan taklifni qabul qilishi mumkin.
Joriy mavsumda 23 yoshli Skott barcha musobaqalarni hisobga olganda oltita uchrashuvda ishtirok etib, bitta gol urdi va ikkita golli uzatmani amalga oshirdi.
