«Борнмут» ярим ҳимоячиси Алекс Скотт қишки трансфер ойнасида жамоани тарк этиши мумкин. Бу ҳақда BBC хабар бермоқда.

Манба маълумотларига кўра, агар катта миқдордаги таклиф тушса, «Борнмут» қишда Скоттни қўйиб юборишга тайёр. Қайд этилишича, клубнинг позицияси футболчининг агентлари билан ўтказилган учрашувдан сўнг ўзгарган. Аввалроқ эса «олча ранглилар» юлдуз ярим ҳимоячини сотишни режалаштирмаган эди.

Скоттга «Челси» ва «Ливерпуль» клублари ҳамон қизиқиш билдирмоқда. Кутилишича, «Борнмут» 118 миллион евродан бошланадиган таклифни қабул қилиши мумкин.

Жорий мавсумда 23 ёшли Скотт барча мусобақаларни ҳисобга олганда олтита учрашувда иштирок этиб, битта гол урди ва иккита голли узатмани амалга оширди.