«Napoli» jamoasi vingeri David Neres yana jarohat sababli safdan chiqdi. To‘qqiz oylik tanaffusdan so‘ng shanba kuni ilk bor asosiy tarkibda maydonga tushgan braziliyalik futbolchi endi tiklanish jarayonini boshladi.
Calcionapoli1926.it nashri xabar berishicha, «Vilyarreal»ga qarshi uchrashuv vaqtida Neres o‘ng sonida mushaklar bilan bog‘liq noqulaylikni his qilgan. «Pineta Grande» shifoxonasida o‘tkazilgan tibbiy tekshiruv futbolchining o‘ng sonidagi mushak yengil darajada shikastlanganini ko‘rsatdi.
Ayni paytda Neres tiklanish jarayoniga kirishgan. Uning maydonga qachon qaytishi hozircha ma’lum qilinmagan.
